Një aksident i rënde ka ndodhur në orët e para të mëngjesit të sotëm, rreth orës 04:30, në qytetin e Fierit, pranë Spitalit Memorial.
Sipas informacioneve paraprake, në aksident janë përfshirë dy automjete, një tip “Audi”, që drejtohej nga shtetasi Gabriel Çuni, dhe një tip “Benz”, në drejtimin e të cilit ndodhej Alfred Sinani. Si pasojë e përplasjes, ka mbetur i plagosur pasagjeri që udhëtonte në automjetin tip “Audi”.
I plagosuri është transportuar me urgjencë drejt Spitalit të Fierit, ku po merr ndihmën e nevojshme mjekësore dhe ndodhet jashtë rrezikut për jetën.
Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për dokumentimin e aksidentit.
