Një video është bërë virale në rrjetet sociale ku një efektiv i forcave “Shqiponjave” shfaqet duke marrë produkte nga një nga kioskat e vendosura nga Bashkia “Tiranë” në kryeqytet.
Nuk dihet se çfarë ka dashur të bëjë me to ai pasi filmimi nuk është i plotë, por shihet momenti kur shkon aty dhe merr dy molto.
Videoja ka nxitur reagime dhe komente të shumta në rrjetet sociale, veçanërisht për faktin se ngjarja vjen në një moment kur efektivët e Policisë janë të angazhuar në terren për të shoqëruar dhe arrestuar persona të dyshuar për thyerjen dhe dëmtimin e bizneseve gjatë protestave në Tiranë.