Një ngjarje e rëndë ka ndodhur mesditën e sotme në Devoll, ku një 82-vjeçare është gjetur e pajetë pranë një rezervuari, në afërsi të qytetit të Bilishtit. Paraprakisht dyshohet se e moshuara është mbytur.
Ndërsa ajo që e bën më tragjike ngjarjen është fakti se e moshuara është gjetur e pajetë nga djali i saj i vogël me të cilin jetonte së fundmi.
Po ashtu, burime për mediat kanë bërë me dije se 82-vjeçarja kishte shfaqur prej kohësh probleme me sklerozën dhe gjatë viteve të fundit kishte kaluar një periudhë të vështirë psikologjike pasi kishte humbur bashkëshortin dhe dy djemtë e saj.
Autoritetet vendase po punojnë për zbardhjen e plotë të rastit dhe pritet që të kemi detaje të reja në vijim, për të kuptuar rrethanat e plota të ngjarjes.