Sejfulla Myftaraj i njohur me emrin artistik “Cekja” është ndeshur paraditen e sotme me një situatë të pazakontë. Ai kishte shkuar që në orën 11:00 në ambulancën e Beratit, por siç bën me dije vetë, doktoresha nuk ishte dhe pse ora shënonte 12:30.
I dorëzuar përballë faktit, aktori i njohur ka zgjedhur ironinë për të komentuar këtë situatë.
Përmes një postimi në rrjetet sociale, Cekja thumbon pritjen dhe problematikat me të cilat përballen qytetarët në sistemin shëndetësor.
“Në radhë në ambulancën e Beratit nga ora 11 dhe 12:30, akoma nuk ka ardhur doktoresha e komisionit. O Berat, ç’e pate fat!”, shkruan Cekja me ironi.