Tragjedi/ Përmbyset autobusi, 6 të vdekur

Të paktën gjashtë persona u vranë të enjten dhe 27 të tjerë u plagosën pasi një autobus u përmbys në një rrugë ndërqytetëse në provincën juglindore Kerman të Iranit, njoftoi agjencia zyrtare e lajmeve IRNA.

Incidenti, i cili u raportua në orën 18:31 me orën lokale (1501 GMT), ndodhi teksa autobusi që transportonte nxënës të shkollave të mesme po udhëtonte nga qyteti Mahan për në kryeqytetin e provincës Kerman, citoi kreu i departamentit të shërbimeve mjekësore të urgjencës provinciale Mohammad Saberi.

Ai identifikoi viktimat si katër studentë, një “djalë i ri” dhe një mësues që shoqëronte nxënësit, duke theksuar se dy nga të plagosurit në incident ishin në gjendje kritike për jetën.

Reza Fallah, drejtor menaxhues i Shoqatës së Gjysmëhënës së Kuqe të Kermanit, tha se 40 studentë ishin në autobus, sipas agjencisë gjysmë zyrtare të lajmeve Tasnim.

Shefi i Policisë Rrugore të Iranit, Ahmad Karami-Asad tha se shkaku i incidentit është nën hetim dhe rezultatet do të shpallen së shpejti. Ai ka treguar gjithashtu se të plagosurit janë dërguar në spital.