Një ngjarje tragjike është shënuar paraditen e sotme në Elbasan.
Korrespondentja e Top Channel Bruna Kërçyku bën me dije se një grua ka gjetur vdekjen pasi është hedhur nga kati i pestë i një pallati.
Ende nuk dihet mosha e saj e saktë, por mësohet se ishte nënë e një fëmije 2 vjeç. Ajo ishte infermiere pranë repartit të neurologjisë në spitalin rajonal të Elbasanit.
Policia ndodhet në vendngjarje, dhe po punohet për zbardhjen e rrethanave të ngjarjes.