Partia Demokratike do të mbajë këtë 27 gusht, në orën 18:00 mbledhjen e Këshillit Kombëtar, pas zgjedhjeve të mbajtura më 15 korrik për kupolën drejtuese.
Sipas një njoftimi zyrtar drejtuar anëtarëve të Këshillit Kombëtar, në rendin e ditës së mbledhjes parashikohet të jetë miratimi i platformës për modernizimin e brendshëm të Partisë Demokratike, si edhe të infrastrukturës së saj digjitale.
Në njoftimin e dhënë anëtarëve u kërkohet të marrin masat e nevojshmë për të qenë të pranishëm në mbledhje. Kujtojmë se në zgjedhjet e 15 korrikut u rizgjodhën disa nga emrat më të njohur të partisë, mes tyre Flamur Noka si Sekretar i Përgjithshëm, Gazment Bardhi e Agron Gjekmarkaj si nënkryetarë dhe Klevis Balliu si Sekretar Organizativ.
Rendi i ditës:
– Paraqitja dhe miratimi i platformës për modernizimin e brendshëm dhe infrastrukturës digjitale të PD-së.