Pas një jave me luhatje temperaturash, fundjava në Shqipëri pritet të jetë “përvëluese” dhe ideale për plazh.
Sinoptikania Lajda Porja bën me dije se Shkodra do të jetë qyteti që do thyejë rekordin për temperatura të larta, pasi termometri në qytetin verior pritet të shënojë 39 gradë. Ndërsa Elbasani, Berati dhe Gjirokastra do të shënojnë 38 gradë.
Sa i përket ultërsirës perëndimore, qytetet do të ndikohen nga temperatura mes 36 dhe 37 gradë, ndërsa bregdeti do të shijojë temperatura të ngrohta nga 33 deri në 35 gradë.
Për të vijuar në qendër të vendit, Tirana raportohet se nuk do të ketë reshje por do të përballet me vranësira dhe lagështirë të lartë gjatë fundjavës, duke bërë që i nxehti të ndihet deri në 40 gradë.