Një termet me magnitudë 4.0 rihter është ndjerë pak momente më parë në Tiranë, ndërsa epiqendra theksohet se ka qenë Fieri. Siç raportohet, lëkundjet janë ndjerë rreth orës 12:45 dhe janë ndjerë të forta në disa zona të vendit.
Instituti shtetëror i Gjeoshkencave raporton se epiqendra ekzakte e tërmetit ka qenë në fshatin Hysgjokaj të Fierit dhe për shkak të thellësisë nga toka dhe magnitudës së lartë, lëkundjet kanë qenë të konsiderueshme.
Bëhet fjalë për një tërmet me magnitudë 4.0 rihter dhe me një thellësi minimale nga toka, rreth 5 kilometra, çka ka bërë që lëkundjet të ndjehen të forta jo vetëm në Fier, por dhe në disa zona të Shqipërisë.
Siç shihet edhe nga komentet që kanë lënë qytetarët në Qendrën Sizmologjike Euro-Mesdhetare (EMSC), lëkundjet janë ndjerë të forta në ndërtesat e larta dhe në zonat pranë epiqendrës, duke përfshirë Lushnjën, Beratin, Kuçovën, Durrësin e deri në Tiranë.
Pavarësisht ndjeshmërisë së lartë, tërmete me magnitudë të tillë janë normale për vendin tonë dhe sizmiologët kanë përsëritur shpesh apelin se nuk ka vend për panik dhe frikë.