Një alarm për bombë është raportuar pasditen e sotme në Stacionin e Autobusëve në Prishtinë, duke vënë në lëvizje forcat e Policisë së Kosovës.
Sipas zëdhënësit të Policisë për rajonin e Prishtinës, Enis Pllana, autoritetet kanë marrë njoftimin rreth orës 16:30 dhe kanë reaguar menjëherë, duke zbatuar masat e nevojshme të sigurisë.
Në vendngjarje janë angazhuar njësitë përkatëse policore, të cilat po trajtojnë informacionin dhe po kryejnë verifikimet për të përcaktuar natyrën e alarmit.
Policia ka rrethuar zonën dhe ka siguruar perimetrin për të shmangur çdo rrezik të mundshëm, ndërsa pritet të japë më shumë detaje pas përfundimit të kontrolleve dhe vlerësimit të situatës.
LEXO EDHE: Krim i rëndë familjar | Babai vret djalin e tij – Dalin emrat
Deri më tani, autoritetet nuk kanë bërë të ditur nëse bëhet fjalë për një kërcënim real apo një alarm të rremë.