Meteorologia Tanja Porja bëri me dije se sot do të jetë dita e parë e një periudhe me temperatura shumë të larta.
“Sot diell dhe temperatura të larta. Kemi një rritje të menjëhershme të vlerave termike. Kemi në mesditë të paktën 4 gradë rritje, ndërkohë që dje ishim rreth 33 gradë temperatura maksimale.
Sot presim 38°C. Vranësia do të jenë të dukshme vetëm gjatë orëve të pasditës dhe kryesisht në veri dhe në zonat lindore, ndërsa era do të fryjë nga veriperëndimi me shpejtësi mesatare.
Në fakt, sot është dita e parë me temperatura të larta. E gjithë periudha tjetër, për një 10-ditor, presim vetëm temperatura të larta në territor dhe mundësia për reshje është thuajse zero”, tha Porja në “Dita Jonë”.
“Nga nesër dhe në vijim do të kemi vetëm rritje të vlerave termike. Shumë shpejt këtë mesjavë presim edhe që temperatura të shkojë 40 gradë Celcius”, shtoi meteorologia.
