Një hyrje e bujshme pritet të ndodhë këtë të shtunë në Big Brother VIP Albania 4!
Sipas gazetarit Lorik Kajtazi, i cili e bëri të ditur këtë lajm në emisionin “Shtatë” në Klan Kosova, Xheneta Fetahu do të hyjë brenda shtëpisë së BBVA.
Ajo që mbetet mister është nëse Xheneta do të bëhet banore zyrtare apo do të futet vetëm për një vizitë.
Megjithatë, një gjë duket e sigurt: hyrja e saj do të shkaktojë shumë tensione dhe reagime brenda shtëpisë.
Kujtojmë se Xheneta u bë e njohur për publikun gjatë pjesëmarrjes së saj në Big Brother VIP Kosova, ku krijoi një lidhje me Gjestin, i cili aktualisht është banor në BBVA. Por situata ka ndryshuar, pasi Gjesti ka nisur një raport të afërt me Eglin, duke lënë të nënkuptohet se lidhja me Xhenetën ka mbetur në të kaluarën.