Në protestën e sotme para Kryeministrisë, një i ri ka treguar eksperiencën e tij personale në 34 ditë protestë.
Gjatë fjalës së tij, protestuesi deklaroi se pasi shau Berishen ne tubim, disa dite me pas prinderit nuk po i flisnin me.
Tashme ai kishte 30 ditë që nuk fliste me prindërit, pasi kishte sharë kryedemokratin Sali Berisha në tubim.
Ai theksoi se është i lënduar nga ky fakt, por shtoi se është i vendosur që të protestojë edhe 30 ditë të tjera kundër Ramës dhe Berishës.
“Për 2 daljet e mia më të mëparshme kam marrë shumë kritika, tallje e ofendime për faktin se unë nuk jam nga Zvërneci e as nga Rrjolli dhe për këtë arsye unë s’kam pasur pse me dal këtu për të folur apo për të sharë këta gjakpirës.
Goditjen e parë më të madhe e kam marrë prej prindërve, sepse për ata është Zoti në qiell dhe Sali Berisha në tokë, por unë ia kam sharë. Kam 30 ditë që nuk flas me babën e nënën. Zemra më dhemb, por sot nga ky shesh kam vendosur për ta shtyrë edhe për 30 ditë të tjera”, tha protestuesi.