Një tërmet me magnitudë 5.8 ballë goditi prefekturën Chiba të Japonisë të premten, duke lëkundur zonat pranë Tokios, por nuk shkaktoi paralajmërim për cunami, sipas autoriteteve japoneze dhe Shërbimit Gjeologjik të SHBA-së.
Agjencia Meteorologjike e Japonisë tha se tërmeti ndodhi në orën 12:46 sipas orës lokale me epiqendrën e tij në prefekturën Chiba në një thellësi prej rreth 50 kilometrash, raportuan mediat vendase.
Agjencia regjistroi një intensitet maksimal sizmik prej 4 ballë në shkallën shtatë-nivelëshe të Japonisë dhe tha se nuk kishte rrezik për një cunami.
Shërbimi Gjeologjik i SHBA-së raportoi gjithashtu se tërmeti ishte me magnitudë 5.8 ballë, duke e vendosur epiqendrën rreth 4 kilometra në jug-juglindje të Yokoshibas në një thellësi prej 56 kilometrash.
Nuk pati raportime të menjëhershme për viktima ose dëme të konsiderueshme.