Një lajm i rëndë ka tronditur familjarët dhe opinionin publik, pasi Hate Pangjaj-Vokshi ka ndërruar jetë pas lindjes së dy binjakëve në një spital në Gjermani.
Sipas informacioneve të siguruara nga Gazeta Demos, Pangjaj-Vokshi ka humbur jetën si pasojë e një ataku të rëndë, i cili rezultoi fatal, pak kohë pas procesit të lindjes. Rrethanat e plota të ngjarjes po sqarohen nga autoritetet mjekësore, ndërsa familjarët janë njoftuar për tragjedinë.
E ndjera ishte motra e vetme e dy dëshmorëve të kombit, Agim Vokshi dhe Arif Vokshi, duke e bërë këtë humbje edhe më të rëndë për familjen Vokshi, e cila ka dhënë sakrifica të mëdha për vendin.
Ngjarja ka ngjallur dhimbje dhe reagime të shumta, ndërsa të afërm, miq dhe njohës kanë shprehur ngushëllime për ndarjen e parakohshme nga jeta të Hate Pangjaj-Vokshit, e cila la pas dy foshnje të porsalindura.
Familja pritet të japë detaje të mëtejshme në vijim lidhur me ceremoninë mortore dhe përcjelljen e saj të fundit.