Sadedin Fishta kreu i Sindikatës së Policëve bëri një denoncim të fortë në një studio televizive, kur tha se ka ankesa të shumta nga punonjësit e policisë që u kërkohet të vendosin sa më shumë gjoba ndaj qytetarëve.
“Dua të dënoj një fakt i cili është bërë shqetësues. Kemi ankesa nga stafet si të policisë rrugorë dhe të rendit publik se eprorët e tyre i bëjnë presion vartësve që të vendosin sa më shumë gjoba ose më saktë i përcaktojnë një limit gjobash që duhet të vendosin gjatë një muaji, në të kundër marrin “kërcënime” se do të transferohen apo ulen në detyrë”, tha Fishta.
Sipas tij kjo situatë është shqetësuese dhe se vendosja e gjobave nuk mund të jetë me target. Fishta i bën thirrje drejtuesve të policisë, por edhe ministrisë që të shmangin presione të tilla ndaj punonjësve dhe se raste të tilla do të ndiqen edhe në rrugë ligjore.
Ky eshte nje skandal i madh, qe edhe para disa vitesh ka ndodhur, por duket serish eshte rikthyer ne vemendje per te mbushur arken e shtetit, duke penaizuar qytetaret.
Madje, sipas te dhenave te mbledhura prane policise, nuk ka rendesi nese gjobat jane shkelje te vertetuara apo jo, pasi 90% e qytetareve nuk kane ku ankimojne, pasi vetem gjykata mund t’i hedhe poshte keto gjoba, por eshte nje kalvar i gjate pritje.
Ne keto kushte, shume qytetare, dhe pse nuk jane dakord me gjoben detyrohen ta paguajne dhe mos ta ndjekin ne rruge ligjore, per shkak te kohes se madhe qe u duhet ne gjykate.
Deri tani nuk ka pasur asnje reagim nga policia e shtetit ne lidhje me kete skandal qe rendon xhepat e qytetareve padrejtesisht per te mbushur arken e shtetit dhe kjo ka ndodhur me ministren e re te brendshme.