Përmbytjet në ishullin turistik të Balit në Indonezi kanë vrarë të paktën gjashtë persona këtë javë dhe kanë bllokuar rrugët kryesore në kryeqytet, thanë zyrtarët të mërkurën.
“Shirat e rrëmbyeshëm të vazhdueshëm midis mbrëmjes së së martës dhe mëngjesit të së mërkurës rrëzuan dy ndërtesa në kryeqytetin e Balit, Denpasar, duke vrarë katër persona”, tha I Nyoman Sidakarya, kreu i agjencisë së kërkim-shpëtimit të ishullit.
Dy persna të tjerë kanë vdekur dhe 85 të tjerë janë evakuuar në rajonin e Jembranës, tha të mërkurën agjencia indoneziane për zbutjen e fatkeqësive. Përmbytjet vazhduan të godisnin Balin që nga e mërkura, u tha gazetarëve shefi i agjencisë, Suharyanto.
Qasja në aeroportin ndërkombëtar të ishullit pranë Denpasarit ishte e kufizuar pasi vetëm kamionët mund të përdornin rrugët. Videot në mediat sociale, tregojnë përmbytje në rrugët kryesore që çojnë në bllokim të plotë.
Sipas Nyoman rreth 200 ekipe shpëtimi janë dërguar. Shirat e rrëmbyeshëm shkaktuan gjithashtu përmbytje në Nusa Tenggara Lindore të Indonezisë, ku katër persona kanë humbur jetën, tha agjencia për zbutjen e fatkeqësive.