Pas një periudhe të vështirë, nga ndarja e bujshme me Princ Lekën, duket se Elia Zaharia ka hedhur pas krahëve çdo gjë dhe është përkushtuar te jeta e saj.
E ftuar në nje emision televiziv, Elia Zaharia nuk ka folur si një aktore, por si autore e një libri, i cili ne fakt duket si liber per femije, por brenda tij fshihen shume mesazhe te tjera.
“Perla dhe dreri i artë” quhej përralla që aktorja ka shkruar. Dhe në fakt, kjo përrallë me fabul dhe mesazhe të forta është një dedikim për vajzën e saj të vogël, Geraldinën.
Në një video, ku nënë e bijë qëndrojnë krah njëra-tjetrës, Elia Zaharia emocionon me fjalët e ndjera për vajzën e saj. “E shtrenjta vogëlushja ime, drita e syve.
Mami ta dedikon ty këtë libër me urimin që e gjithë jeta jote të jetë e pikturuar me ngjyrat më të ëmbla të përrallave. Kur ta shfletosh me doçkat e tua të vogla.
Dua të ndjesh dashurinë e pafundme në çdo fjalë, dua që të kuptosh e të ndjesh në zemrën tënde plot dritë mesazhet që kjo përrallë përcjell.
Dashuria pa kushte, liria dhe kurajoja janë thesaret më të çmuara që ti do t’i zbulosh përmes kësaj dhurate.