Arrestimi i autorit të vrasjes së gjyqtarit Astrit Kalaja brenda Gjykatës së Apelit ka zbuluar një skenë që po cilësohet si “absurde” dhe “tronditëse” për një shtet funksional. Autori, Elvis Shkëmbi (i përmendur gjithashtu si Gjon Shkëmbi), pasi ekzekutoi gjyqtarin, doli me qetësi të plotë në oborrin e gjykatës, duke pritur forcat e rendit.
“Hajdeni, unë e vrava gjyqtarin!”
Pamjet ekskluzive të ngjarjes tregojnë momentin kur vrasësi, i shoqëruar nga xhaxhai i tij, qëndrojnë në ambientet e jashtme të institucionit pa u shqetësuar, duke pritur Policinë.
Përshkrimi thekson se rendi erdhi me vonesë dhe në mënyrë të hutuar. Autori nuk u kap në flagrancë përmes një aksioni efektiv, por u vetë-denoncua duke u thirrur punonjësve të Policisë kur ata mbërritën:
“Hajdeni, unë jam vrasesi!”
Kjo dinamikë e arrestimit, ku uniformat blu “bëjnë sikur kapin autorin” vetëm pasi ai vetë-dorëzohet, është komentuar gjerësisht në media dhe rrjete sociale si një “shfaqje publike” dhe dëshmi e dështimit të thellë të sistemit të sigurisë, duke shtuar se biletën e kësaj “regjie amatore” e paguan qytetarët.