Një nga personat e plagosur në atentatin e sotëm në Shkodër, ku mbetën të vdekur dy persona, është Erogen Vaso, i njohur edhe si Erogen Brajoviç. 43-vjeçari dyshohet se ishte shënjestra kryesore e sulmit.
Viktimat dhe lidhjet e shënjestrës
Fatkeqësisht, nga breshëria e plumbave u vranë dy persona: Armando Pali dhe Liridon Kraja, 31 vjeç, i cili shërbente si truprojë e Brajoviçit. Po ashtu, një kameriere e re, Meri Kaceri, u plagos gjatë sulmit.
Erogen Brajoviç është një emër i njohur për drejtësinë si anëtar i grupit kriminal të Bajrave. Ai është vëllai i Denis Bajrit, i cili akuzohet nga SPAK për vrasjen e Gjin Ndojit në vitin 2020. Autori i atentatit, Ragib Gila, u kap nga policia pas një ndjekjeje të shkurtër, ndërsa i ishte sekuestruar një armë zjarri automatike.