Një konflikt mes fqinjësh në Durrës ka përfunduar me plagosjen me thikë të një personi mesditën e sotme. Ngjarja e rëndë ka ndodhur pas një sherri banal, ku një 22-vjeçar ka goditur me mjet prerës fqinjin e tij.
Detajet e ngjarjes dhe gjendja e të plagosurit
Burime nga Policia bëjnë me dije se viktima është dërguar menjëherë në spitalin e Durrësit, ku ndodhet jashtë rrezikut për jetën. Përveç autorit të dyshuar, në konflikt janë përfshirë edhe babai i tij dhe disa persona të tjerë, të cilët janë shoqëruar nga Policia.
Në vendin e ngjarjes ndodhet një grup hetimor, i cili po punon për zbardhjen e plotë të rrethanave të ngjarjes. Deri tani nuk ka një njoftim zyrtar nga autoritetet.