Një debat mes dy personave në Mallakastër ka degjeneruar në dhunë, duke lënë një 45-vjeçar të plagosur me thikë. Autori i dyshuar i ngjarjes, një 26-vjeçar, është shpallur në kërkim nga policia.
Sipas njoftimit të policisë, shkaku i sherrit mendohet të jenë “motive të dobëta”. 26-vjeçari me inicialet M. B. e ka goditur me mjet prerës 45-vjeçarin, duke i shkaktuar plagë të lehta. Viktima mori ndihmën e parë mjekësore në spital dhe u largua më pas për në shtëpi, pasi lëndimet nuk ishin serioze.
Policia e Mallakastrës po punon për kapjen e autorit dhe zbardhjen e plotë të rrethanave të ngjarjes.