Një ngjarje e rëndë është regjistruar në fshatin Flakë të Koplikut të Sipërm, ku një familje ka ushtruar dhunë fizike dhe psikologjike ndaj dhëndrit të tyre. Si pasojë e sulmit, 41-vjeçari ka pësuar dëmtime në kokë dhe trup.
Detajet e ngjarjes dhe arrestimet
Sipas njoftimit zyrtar të Policisë së Malësisë së Madhe, janë arrestuar Xheladin Çokaj, 64 vjeç, dhe dy djemtë e tij, Arnit Çokaj, 30 vjeç, dhe Sefred Çokaj, 33 vjeç. Këta të fundit akuzohen se kanë dhunuar për “motive të dobëta” shtetasin A.U., 41 vjeç, i cili është dhëndri i familjes.
Menjëherë pas denoncimit, policia ka ndërhyrë duke arrestuar tre autorët. Materialet procedurale i janë referuar Prokurorisë së Shkodrës, ndërsa ata do të akuzohen për veprën penale “Dhuna në familje”.