Një lajm i rëndësishëm për shoferët në Shqipëri është bërë i ditur nga Drejtoria e Përgjithshme e Shërbimeve të Transportit Rrugor (DPSHTRR). Kryeministri Edi Rama njoftoi se Certifikata e Aftësimit Profesional (CAP) do të integrohet automatikisht në lejen e drejtimit, një lëvizje që synon të thjeshtojë procedurat dhe të ulë kostot për qytetarët.
Më pak kosto dhe burokraci
Ky ndryshim i ri do të eliminojë nevojën për mbajtjen e një kartoni të veçantë për CAP, i njohur si Kodi 95. Integrimi i tij direkt në patentë do të thjeshtojë ndjeshëm procedurat administrative dhe do të shkurtojë shpenzimet e lidhura me lëshimin e dy dokumenteve të ndryshëm.
Kryeministri Rama e përshkroi këtë masë si një “hap tjetër drejt modernizimit dhe thjeshtimit të shërbimeve”, duke nënvizuar angazhimin e qeverisë për të bërë shërbimet publike më efikase dhe më pak burokratike për qytetarët. Kjo lehtësim procedurial pritet të ndikojë pozitivisht te mijëra shoferë profesionistë, duke ua bërë jetën më të thjeshtë dhe duke kursyer kohë e para.