Baba Vanga, mistikja e famshme bullgare, ndonëse u nda nga jeta në vitin 1996, vazhdon të ngjallë debat dhe kureshtje në mbarë botën për shkak të profecive të saj të shumta – disa prej të cilave, sipas ndjekësve të saj, janë realizuar në mënyrë tronditëse të saktë. Sot, ndërsa bota përjeton tensione të larta gjeopolitike, veçanërisht në Lindjen e Mesme, një nga parashikimet e saj më alarmante për vitin 2025 po rikthehet fuqishëm në vëmendje.
E lindur me emrin Vangeliya Pandeva Gushterova, Baba Vanga e kaloi pjesën më të madhe të jetës në fshatin malor Rupite të Bullgarisë, larg zhurmës së botës moderne dhe qendrave të pushtetit botëror.
E verbuar që në fëmijëri nga një stuhi e fortë që e përplasi në tokë, ajo më vonë deklaroi se ishte pikërisht ky moment që i kishte dhënë “dhuratën” e shikimit përtej të tashmes.
Gjatë dekadave të jetës së saj, Vanga u shndërrua në një figurë të famshme për miliona njerëz në të gjithë botën, të cilët i atribuonin asaj një sërë parashikimesh për ngjarje historike si rënia e Bashkimit Sovjetik, tragjedia e Çernobilit, sulmet e 11 shtatorit në SHBA dhe shumë të tjera. Por ajo që po trondit aktualisht ndjekësit e saj, është një paralajmërim i errët për vitin 2025:
