Shërbimi Veterinar ka konfirmuar rastin e dytë të mʋrtajës së ruminantëve të vegjël (PPR) në njësinë administrative Martanesh, në Bashkinë e Bulqizës. Lajmi u bë publik nga Bilbil Hoxha, Përgjegjës i Shërbimit Veterinar në Qarkun e Dibrës, për Report TV.
Sipas zotit Hoxha, sot kanë mbërritur rezultatet e analizave nga laboratori i Institutit të Sigurisë Ushqimore dhe të Veterinarisë (ISUV), të cilat kanë rezultuar pozitive për praninë e sëmʋndjes. Si pasojë, specialistët e veterinarisë do të ndërhyjnë menjëherë në fermën e blegtorit Bajram Mata dhe do të kryejnë eliminimin e 345 krerë bagëtive të imta.
Paralelisht me këtë, është vendosur ndalimi i transportit dhe tregtimit të bagëtive në një rreze prej 10 kilometrash nga ferma e prekur, me qëllim parandalimin e përhapjes së mëtejshme të sëmʋndjes.
Autoritetet shëndetësore veterinare kanë theksuar se mʋrtaja e ruminantëve të vegjël është një sëmʋndje virale që prek kryesisht dhitë dhe delet dhe konsiderohet e padëmshme për njerëzit. Megjithatë, konsumi i mishit dhe qumështit nga zonat e prekura nga mʋrtaja është rreptësisht i ndaluar si masë paraprake.
Ky është rasti i dytë i konfirmuar në Shqipëri, pas atij të regjistruar në Postribë të Shkodrës. Përhapja e kësaj sëmʋndjeje vir’ale paraqet një kër’cënim të drejtpërdrejtë për mijëra familje në vend që mbështeten ekonomikisht në blegtori. Autoritetet po monitorojnë nga afër situatën dhe po marrin masa për të parandaluar përhapjen e mëtejshme të mʋrtajës.