Historia që po trajtohet ditën e sotme në studion e emisionit “Me Zemër të Hapur” të autores Evis Ahmeti në News24 ka të bëjë me një grua 39-vjeçare, nënë e tre fëmijëve, e cila prej vitesh ka qenë e dhunuar dhe e poshtëruar nga bashkëshorti.
Historinë e 39-vjeçares e ka bërë publike, me qëllim që t’i ofrohet qoftë edhe ndihma më e vogël, një prej miqve të familjes së saj, i cili kontaktoi menjëherë me stafin e emisionit “Me Zemër të Hapur”, duke rrëfyer të gjitha peripecitë dhe kalvarin e gjatë të vuajtjeve të saj.
Ai rrëfen për redaksinë se 39-vjeçarja ka vuajtur jashtëzakonisht shumë nga ish-burri, i cili ishte shumë vite më i madh se ajo në moshë. Ndër të tjera, ai tregon se ish-bashkëshorti i ka marrë edhe të tre fëmijët.
“Jemi pesë motra në shtëpi unë jam më e vogla. Vetëm unë nuk ka shkuar në shkollë.
Në 2007 vija në Tiranë të vbëja vizita,. Në 2009 njoha një vajzë nga Dibra, që më njohu me burrin, që më tha është njëeri i mire dhe nuk është keq nga gjendja ekonomike.
Nuk e dija por ajo kishte pasur më parë marrëdhënie me atë që u bë burri im.
Ai kishte edhe shtëpi të tjera, kishte dashnore.
Kur shkova për herë të parë në shtëpi, më la vetëm natën dhe iku me të tjera.
Pasi u bëra me fëmijë nuk më interesonte më nëse shkonte me të tjera sepse kisha fëmijët.
Më solli dashnoren në shtëpi me idenë se do të më ndihmonte për fëmijët.
Unë isha gruaja e 25 e tij, por nuk i dija këto gjëra. Tani bashkëjeton me gruan e 26, e ka nga Hasi”, tha ajo.