Rubrika “Social Top 5” e emisionit “Live From Tirana” këtë javë sjell të rejat më të fundit rreth personazheve të njohur dhe ndikimin e tyre në rrjetet sociale.
Teksa “Big Brother VIP 4” vijon të jetë epiqendra e vëmendjes, ndryshimet në numrin e ndjekësve janë gjithnjë më të dukshme. Në vendin e pestë renditet Gjesti, i cili këtë javë ka humbur 2 mijë ndjekës.
Nga 609 mijë që kishte javën e kaluar, profili i tij tani numëron 607 mijë ndjekës. Shumë fansa janë të zhgënjyer nga veprimet e tij, duke reflektuar kështu edhe në numrin e ndjekësve.
Ndërkohë, Loredana Brati nuk ka pësuar asnjë ndryshim dhe ruan të njëjtin nivel popullariteti me 162 mijë ndjekës. Nga ana tjetër, Gerta Gixhari ka shënuar një rritje të lehtë prej 1 mijë ndjekësish, duke kaluar nga 120 mijë në 121 mijë.
Me të njëjtin ritëm ka avancuar edhe Egli Takon, e cila ka fituar 1 mijë ndjekës gjatë javës. Ajo tani ka 364 mijë ndjekës, një rritje e lehtë, por e qëndrueshme.
Rozana Radi, e cila këtë javë qëndron në vend të parë, ka fituar 2 mijë ndjekës më shumë, duke kaluar nga 470 mijë në 472 mijë. Ky rezultat e bën atë personazhin më të ndjekur të kësaj jave.