Fituesi i edicionit të parë të Big Brother VIP Kosova, Stresi, ka reaguar pas deklaratës së gazetarit Vullnet Krasniqi lidhur me orientimin e tij seksual. Reperi shprehu hapur kundërshtimin e tij, duke theksuar se ai kritikon komunitetin LGBT për përpjekjen e tyre për të përhapur orientimet e tyre dhe se, sipas tij, ky komunitet po dëmton moralin shoqëror dhe familjar.
Në emisionin Big Talk, Stresi tha: “Unë nuk hyj te orientimi i askujt, unë vetëm kritikoj. Pse dal unë kundër deklaratës së Vullnetit? Ky komunitet ndihmon në prishjen e moralit shoqëror dhe familjar. Ky është mendimi im.” Ai shtoi gjithashtu: “Jam kundër kësaj sepse një deklaratë e tillë, misioni i tyre është që të përhapin më shumë këtë.”
Këto komente të Stresit kanë ngjallur debate të shumta, duke përfshirë mbështetje dhe kundërshtime nga publiku dhe figura të ndryshme publike.