Një tronditje e madhe emocionale ka prekur aktoren dhe moderatoren e njohur Rudina Dembacaj, e cila është detyruar të tërhiqet në momentin e fundit nga angazhimet televizive, për shkak të një humbjeje të madhe familjare. Me anë të një postimi prekës në rrjetin e saj social Instagram, Rudina ka ndarë me ndjekësit lajmin e hidhur për ndarjen nga jeta të xhaxhait të saj të dashur, Ahmet Dembacaj.
E shoqëruar me disa foto dhe kujtime të përbashkëta me të ndjerin, ajo ka shkruar fjalë që shprehin dhimbjen e thellë dhe lidhjen e veçantë që ka pasur me xhaxhain, të cilin nuk e përshkruan thjesht si familjar, por si një “pjesë të rëndësishme të shpirtit të saj”.
“Sot më iku në qiell një pjesë e rëndësishme e shpirtit tim! Xhaxhai im i shtrenjtë, Ahmet Dembacaj! M’u fik drita e tretë e syrit, shoku më i mirë i babit… Bashkohuni në parajsë!”, shkruan Rudina, në një status që u përhap menjëherë dhe u shoqërua me dhjetëra mesazhe ngushëllimi nga kolegë, miq dhe ndjekës.
Prej vitesh, Rudina Dembacaj është treguar shumë e hapur me ndjekësit në rrjetet sociale për jetën e saj personale, përfshirë edhe humbjen e babait, pesë vite më parë, një plagë që ajo ende e përjeton thellë. Nuk është e rrallë të shohësh postime të saj dedikuar të atit, për të cilin shpreh gjithmonë mall dhe mungesë.
Tashmë, me ndarjen nga jeta të xhaxhait, duket se Rudina ka humbur një tjetër figurë mbështetëse dhe të dashur. Në postimin e saj, ajo sugjeron se marrëdhënia me Ahmetin ka qenë si një zgjatim shpirtëror i lidhjes me të atin, duke treguar se xhaxhai kishte zënë një vend të veçantë në zemrën e saj pas ndarjes nga jeta të babait.
Burime pranë stafit të emisionit konfirmojnë se Rudina është larguar menjëherë nga angazhimet e ditës, duke braktisur programin pak përpara xhirimeve, për t’iu përkushtuar familjes në këtë moment zie.
Ndërkohë, fansat dhe ndjekësit i kanë shprehur ngushëllimet në komente, duke vlerësuar kurajon e saj për ta ndarë një dhimbje kaq personale në mënyrë kaq të ndershme dhe të sinqertë.
Ajo eshte zevendesuar ne kete puntate te Goca dhe Gra nga Sidorela Gjoni