Renato Feri, ish-efektiv i Policisë Rrugore të Tiranës, është arrestuar këtë të dielë pasi fotografoi votën e tij dhe e publikoi në rrjetet sociale, një veprim i ndaluar nga ligji gjatë procesit zgjedhor.
Në postimin e bërë në rrjete sociale, Feri shfaqet duke votuar për ministrin e Brendshëm, Ervin Hoxha. Ai është një emër i njohur për strukturat e policisë, pasi në vitin 2023 ai u përjashtua nga radhët e uniformave blu pas një incidenti të bujshëm.
Gjatë kohës që po lëvizte me motor si civil, ai refuzoi t’u bindet urdhrave për ndalim nga Forcat “Shqiponja”, duke shtuar shpejtësinë dhe duke ofenduar efektivët. Ngjarja ndodhi pranë Pallatit me Shigjeta në Tiranë.
Pasi u shmang ndalimit, Feri u kap më vonë në autostradën Tiranë–Elbasan, pas një ndjekjeje të organizuar nga forcat policore. Por, ai qe nga ajo kohe mesohet se ka bere kerkese per t’u rikthyer ne polici, por qe nuk eshte pranuar.
Ne keto kushte, ai ka menduar qe t’i jape voten ministrit dhe ta fotografoje duke e hedhur ne rrjetet sociale, me qellim qe njerezit ta shikojne dhe te kerkoje serish rikthim ne polici, si nje njeri i besuar i tyre.
Megjithate, duket se e kane personat e gabuar, qe me pas e kane cuar ne prangat e ish kolegeve, duke humbur keshtu, jo vetem te drejten per tu rikthyer ne polici, por edhe lirine personale.
