Vrasja makabër e studentes shqiptare, Ilaria Sula në banesën e ish-të dashurit të saj filipinas në rrethana të paqarta, mbetet e mbushur me mister. Në një letër drejtuar prokurorëve të Romës që po hetojnë çështjen, autori Mark Samson shpjegoi versionin e tij të vrasjes.
“Nga ora 22:15 e 25 marsit deri në mesnatë folëm për marrëdhënien tonë, për faktin se më shqetësonte dhe isha lodhur duke pritur dhe ndërkohë ajo kërkonte njerëz të tjerë për t’u lidhur. Po bëhej vonë, kështu që ajo më pyeti nëse mund të qëndronte natën në shtëpinë time. I dhashë disa pizhame që të flinte rehat. U shtrimë në shtratin tim dhe filluam të flasim për gjërat e mira që kishim përjetuar së bashku, përvojat, udhëtimet dhe nofkat që i vinim njëri-tjetrit. ‘Amore’, ‘tesoro’, ‘vita’, pastaj kaluam te fjalët shqipe ‘shpirt’, ‘zemra ime’ dhe ato filipinase ‘bebe ko’, ‘mahal’, ‘asawa’”-shkruan ai.
Në letër ai zbulon edhe një detaj, me trupin e mbyllur në një valixhe brenda makinës, ai ndaloi për të blerë cigare dhe një çakmak në një dyqan. 23-vjeçari më pas ndalet te ajo që ndodhi pas goditjes me thikë, mëngjesin e datës 26, dhe te përpjekja e tij për të hequr qafe trupin duke e mbyllur në një valixhe dhe duke e hedhur nga një shkëmb në zonën e Capranica Prenestina.
“Hapa të gjitha dyert e makinës për të parë nëse valixhja mund të vendosej në sedilje në vend që ta fusja në bagazhi, por më kot. E nxora valixhen nga ndërtesa, ishte një ditë me diell të ndritshëm e verbues. Shoh dy vajza që vinin në drejtimin tim, i lashë të kalonin dhe menjëherë pas kësaj e ngrita valixhen pa ndihmën e askujt: Hapa ndarjen e bagazheve dhe ndalova për një moment për të rifituar forcën. E ngre çantën dhe e vendos në anën e djathtë të bagazhit dhe largohem pa një drejtim të saktë. Rreth orës 16:30 ndalem te një dyqan dhe blej cigare dhe një çakmak”,-rrëfen autori i vrasjes.
Mark Samson e vrau Ilaria Sulën duke e goditur 3 herë me thikë në fyt, mbrëmjen e 25 marsit, plagë që i shkaktuan vdekjen 22-vjeçares shqiptare në më pak se një minutë për shkak të humbjes së madhe të gjakut. 23-vjeçari mbylli derën e dhomës së tij të gjumit dhe deri pasditen e 26 Marsit e mbajti të fshehur trupin e studentes shqiptare, të cilën e kishte ftuar për të fjetur në shtëpinë e tij, edhe pse kishin një vit që ishin ndarë. Prej një jave e zhdukur, 22-vjeçarja Ilaria Sula u gjet e vrarë. Trupi i pajetë u gjet në një valixhe të hedhur në humnerë në një zonë të pyllëzuar në Poli.
Pas telefonatës, Mark Samson u jep hetuesve një element të ri dhe përpiqet të ndërtojë besueshmëri pas shumë gënjeshtrave që tha duke rrëfyer vrasjen e Ilaria Sulës.
Sipas mediave italiane, një kartë SIM dhe një kamer makine janë dy objektet që u janë dhënë hetuesve me të cilat Mark Samson po përpiqet të ndërtojë besueshmëri pas shumë gënjeshtrave që tha duke rrëfyer vrasjen e Ilaria Sulës.
Pasi telefoni i 22-vjeçares u gjet nën dyshekun e nënës së saj (nën hetim për komplot për të fshehur kufomën), 23-vjeçari dha dy të dhëna të tjera që mund të ndihmojnë hetimin.
E para ka të bëjë me një kartë telefoni nga e cila mund të nxirren të dhëna potencialisht të vlefshme për të rindërtuar ditët para krimit, ndërsa tjetra ka të bëjë me praninë e një kamere të instaluar në makinën me të cilën ai transportoi trupin e 22-vjeçares në një valixhe dhe e cila mund të sqarojë të gjitha lëvizjet më 26 mars.
Ndërkohë, Samson i ka dërguar edhe një letër prokurorisë, ku rrëfen detaje nga krimi, gjendjen e tij psikologjike natën e krimit dhe shkaqet që e çuan në një vendmarrje të tillë.
Kujtojmë që trupi i pajetë i Ilaria Sulës është gjetur disa ditë më vonë pas krimit e futur në një valixhe dhe hedhur në një greminë në dalje të Romës. Mark Samson e ka goditur disa herë të dashurën e tij me thikë në dhomën e tij të gjumit, ndërsa për fshehjen e gjurëve është ndihmuar nga mamaja e tij, e cila ka pranuar gjithashtu krimin në polici.