Një aksident i trefishtë ka ndodhur pak minuta më parë në aksin rrugor Qafë Thanë-Prrenjas, ku dy makina dhe një autobus në cilin po udhëtonin ekipi i voljebollit për femra të “Skëndërbeut” janë përplasur.
Shkak i aksidentit mendohet të jetë nga një parakalim i gabuar dhe lagështia në rrugë. Autobusi i volejbollisteve ka dalë nga rruga duke përfunduar në kanalin anësor, teksa makinat e përplasura ndodhen në krahun tjetër të rrugës. Disa nga vajzat e ekipit kanë marrë lëndime të lehta dhe fatmirësish gjendja e tyre paraqitet e qëndrueshme.
Në momentin e aksidentit, ekipi i “Skënderbeut” ishte nisur drejt Tiranës, ku sot në orën 17:00 do të zhvillohej ndeshja e dytë finale. Për shkak të ngjarjes, ndeshja është anuluar.
Vajzat e volejbollit të Skënderbeut pësuan një aksident të rëndë, teksa autobusi në të cilin udhëtonin u përplas me një makinë.
Ato ishin duke udhëtuar drejt Tiranës për të zhvilluar sot ndeshjen e dytë finale në volejboll. Menjëherë pas publikimit të këtij lajmi, “Panorama Sport” ka kontaktuar me trajnerin e ekipit të vajzave, Orlando Koja. Ai shprehet se disa nga vajzat kanë dëmtime, njëra në hundë, tjetra në gju dhe tjetra në shpataull.
“Patëm një aksident të rëndë, jemi në Prrenjas, nja tre vajza kanë shkuar në urgjencë, të dëmtuar jemi, të shkundur, na goditi shumë fortë, autobusi është bërë përshesh, kështu që ccfarë të them. Vajzat kanë dëmtime, njëra përplasi hundën dhe i doli gjak, njëra dëmtoi gjurin, tjetra ka probleme me shpatullën, kemi dëmtime të ndryshme”, tha shkurtimisht ai.