Një helikopter është rrëzuar në lumin Hudson në New York, ka konfirmuar policia amerikane. Aksidenti duket se ndodhi pranë Pier 40 në qytetin e New Yorkut, shkruan bbc.
Njësitë detare dhe tokësore ndodhen në vendngjarje, por mbetet ende e paqartë sa persona ndodheshin në bord, ka thënë Departamenti i Zjarrfikësve të Nju Jorkut për CBS News. Sipas CBS, një person ka humbur jetën pas rrëzimit të helikopterit.
Departamenti i Policisë së Nju Jorkut tha për se të paktën dy persona janë nxjerrë nga uji, por gjendja e tyre nuk dihet akoma.
Pamjet që qarkullojnë në rrjetet sociale tregojnë mbetje që notojnë në lumë.
Aksidenti, i cili ndodhi rreth orës 15:15 me orën lokale, ka ndodhur më afër anës së New Jerseyt të lumit Hudson.
Autoritetet amerikane kanë ndaluar qarkullimin e anijeve në atë zonë.