Një vrasje me armë zjarri ka ndodhur mbrëmjen e sotme në zonën e Komunës së Parisit në kryeqytet.
Detaje të reja vijnë në lidhje me një vdekje të ndodhur në Tiranë gjatë mbrëmjes së sotme.
Viktimë ka mbetur shtetasi Ismet Habili, 45 vjeç. Ai është gjendur pa shenja jete në automjet. Hetimet kanë marrë rrjedhë tjetër dhe ende nuk dihet nëse kemi të bëjmë me vrasje apo vetërasje, raporton gazetarja Xhensila Kodra.
Automjeti në të cilin Habili u gjet pa shenja jete është i regjistruar në emrin e tij.
Tiranë/Informacion paraprak
Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.
Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes.
