Një 31-vjeçar ka humbur jetën në rrethana tragjike në fshatin Sinë të Dibrës. Ai behet personi i dyte qe humb jeten diten e sotme pas mbytjes se 22 vjecares ne lumin Drin.
Ngjarja ka ndodhur në lumin Drini i Zi, ku shtetasi me inicialet E. K. dyshohet se ka rënë në kontakt me rrymën elektrike teksa ishte duke peshkuar.
Përplasja me energjinë elektrike ka rezultuar fatale për 31-vjeçarin, i cili nuk ka mundur të mbijetojë.
Trupi i pajetë i viktimës është nxjerrë nga lumi dhe po transportohet për kryerjen e ekspertizës mjeko-ligjore.
Në vendngjarje ndodhet grupi hetimor, i cili po punon për të përcaktuar rrethanat e sakta të ngjarjes dhe mënyrën se si 31-vjeçari ra në kontakt me energjinë elektrike.