Një autobuz ka marrë sot flakë në Qafën e Kalasë.Autobuzi me targa AB 917 UE,i mbushur me turistë të huaj,nisi të marri flakë në ecje drejt Kalasë së Beratit.
Pasi janë vërejtur shkëndijat e para në pjesën e parme të autobuzit,shoferi ka ndaluar dhe 52 pasagjerët që ndodheshin brenda,mes tyre edhe fëmijë,kanë zbritu nga autobuzi.Asnjë nga pasagjerët nuk ka pësuar asnjë lëndim pasi ata kanë zbritur pa u përfshirë ende autobuzi nga flakët.
Pas shkëndijave të shfaqura në pjesën e motorrit,zjarri ka filluar të përhapet në brendësi të tij.Në vendngjarje kanë shkuar forca të shumta zjarrëfikëseje dhe policie,që kanë luftuar me flakët,për ti shuar ato.Si pasojë e zjarrit autobuzi është shkumbuar totalisht.
Po ashtu,është shkrumbuar nga flakët edhe një automjet tip Benz Fuoristradë,i parkuar në derën e shtëpisë,pronari i të cilit nuk mundi dot ta lëvizi.Burimet zyrtare të policisë dhe shërbimeve zjarrëfikëse po kryejnë veprimet hetimore për të zbardhur shkaqet e zjarrit,që paraprakisht dyshohet se është shkaktuar nga një shkëndijë elektrike në motorr.
Të njëjtat burime pohojnë se është shoqëruar në polici drejtuesi i autobuzit,shtetasi Ervis Dyrmani,nga Durrësi,ndërkohë që nga ana e policisë nuk jepet ende asnjë konfirmim për kombësinë e turistëve në autobuz.