Një ngjarje e rëndë është regjistruar ditën e sotme në Pogradec, ku një e moshuar është dhunuar rëndë nga bashkëshorti i saj.
Sipas policisë ngjarja ka ndodhur rreth orës 16:10, në lagjen nr.1 të qytetit ku shtetasi i 78 vjeçar i identifikuar me inicialet M.SH, dyshohet se gjatë një konflikti në banesë, ka goditur në kokë me një shkop druri bashkëshorten e tij , 69 vjeçare.
Ajo është dërguar fillimisht në spitalin e Pogradecit me urgjencë për ndihmë mjekësore në gjendje të rëndë, ndërsa më tej për shkak të përkeqësimit të gjendjes është dashur ardhja e helikopterit të Ministrisë së Shëndetësisë për ta transportuar drejt Tiranës, te spitali i Traumës. Kurse dhunuesi është shoqëruar në Komisariat.
Njoftimi i policisë:
“Pogradec / Informacion paraprak
Rreth orës 16:10, në lagjen nr. 1, Pogradec, shtetasi M. Sh., 78 vjeç, dyshohet se, gjatë një konflikti në banesë, ka goditur në kokë, me një shkop druri, bashkëshorten e tij, shtetasen Sh. Sh., 69 vjeçe, e cila është dërguar në spital për ndihmë mjekësore, në gjendje të rëndë.
78-vjeçari është shoqëruar në Komisariatin e Policisë Pogradec dhe po kryhen veprimet procedurale.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes”