Autoritetet meteorologjike në Zvicër kanë paralajmëruar për reshje intensive bore gjatë fundjavës, duke shpallur nivelin e alarmit te rrezikut 4 nga 5 në kantonin Ticino, ku pritet që trashësia e borës së re të arrijë deri në 90 centimetra.
Sipas MeteoSwiss, edhe disa kantone të tjera do të përballen me kushte të vështira atmosferike, me nivel rreziku 3 nga 5, përfshirë Schwyz, Lucerne, Graubünden, Valais dhe Bern.
Meteorologët paralajmërojnë se në disa zona mund të bien deri në 80 centimetra borë të re deri të dielën në mesditë.
Autoritetet kanë bërë thirrje për kujdes, pasi pesha e borës mund të shkaktojë thyerje të degëve dhe rrëzim të pemëve, duke krijuar pengesa në rrugë dhe rrezik për qytetarët.