Klevisi Shano, i njohur ndryshe si “Klevisi i Pojanit”, një i ri aktiv në rrjetet sociale dhe veçanërisht në TikTok, është arrestuar nga Policia e Korçës!
Ai akuzohet se përplasi me makinë një të moshuar në fshatin Pojan të Bashkisë Maliq dhe më pas u largua nga vendi i ngjarjes. Policia e Korçës, pas një hetimi të kujdesshëm, arriti ta lokalizojë dhe ta arrestojë atë.
Pritet që brenda 48 orëve të vendoset dhe masa e sigurisë ndaj tij. Sipas burimeve nga spitali rajonal i Korçës, e moshuara e aksidentuar ndodhet ende në pavion dhe po merr mjekim, por nuk është në rrezik për jetën.